ನಿಮ್ಮ ಹಳೆ ಬ್ಯಾಂಕ್ ಖಾತೆಯಲ್ಲಿ ಹಣ ಸಿಲುಕಿಕೊಂಡಿದ್ಯಾ? ಸೆಕೆಂಡಿನಲ್ಲಿ ಈ ರೀತಿ ಹಿಂಪಡೆಯಿರಿ!
ಕ್ರಿಯೇಟರ್ ಕನ್ನಡ ಡಿಜಿಟಲ್ ಡೆಸ್ಕ್ : ಸಾಕಷ್ಟು ಜನರು ಒಂದಕ್ಕಿಂತ ಹೆಚ್ಚು ಬ್ಯಾಂಕ್ ಖಾತೆಗಳನ್ನ ಹೊಂದಿರುತ್ತಾರೆ. ಆದ್ರೆ, ವಹಿವಾಟು ಒಂದರಲ್ಲೇ ಮಾಡುತ್ತಾರೆ. ಈ ರೀತಿ ನೀವು ಕೂಡ ಕೆಲವು ವರ್ಷಗಳ ಕಾಲ ವಾಹಿವಾಟು ಮಾಡದಿದ್ರೆ , ಅದು ಸ್ವಯಂಚಾಲಿತವಾಗಿ ನಿಷ್ಕ್ರಿಯವಾಗುತ್ತದೆ. ಇದ್ರಿಂದ ನಿಮ್ಮ ಖಾತೆಯಲ್ಲಿ ಹಣವಿದ್ರು ಅದನ್ನ ಹಿಂಪಡೆಯಲು ಸಾಧ್ಯವಾಗುವುದಿಲ್ಲ. ಪ್ರಸ್ತುತ, ಆರ್‌ಬಿಐ ಇದಕ್ಕಾಗಿ ವಿಶೇಷ ವಿಧಾನವನ್ನ ತಂದಿದೆ. ಇದರ ಮೂಲಕ, ಹಣವನ್ನ ಸುಲಭವಾಗಿ ಹಿಂಪಡೆಯಬಹುದು.
ಹೌದು, ಈ ವಿಧಾನದ ಮೂಳಕ ಹಳೆಯ ಬ್ಯಾಂಕ್ ಖಾತೆಗಳನ್ನ ಗುರುತಿಸಲು ಮತ್ತು ಖಾತೆಯಲ್ಲಿ ಹಣವನ್ನ ಪಡೆಯಲು ಸಹಾಯಕವಾಗಿದ್ದು, ಈ ವಿಧಾನದಿಂದ, ನೀವು ಸೆಕೆಂಡುಗಳಲ್ಲಿ ಹಣವನ್ನ ಹಿಂಪಡೆಯಬಹುದು. ಹಾಗಿದ್ರೆ, ಆ ವಿಧಾನ ಯಾವುದು ತಿಳಿಯೋಣ ಬನ್ನಿ.
ನಿಷ್ಕ್ರಿಯವಾದ ಖಾತೆಯಿಂದ ಹಣ ಪಡೆಯಲು ನೀವು ಬ್ಯಾಂಕ್ ಶಾಖೆಗೆ ಭೇಟಿ ನೀಡಬೇಕಾಗುತ್ತದೆ. ಹಕ್ಕು ಪಡೆಯದ ಫಾರ್ಮ್ ಭರ್ತಿ ಮಾಡಿ ಮತ್ತು ಆಧಾರ್, ಮತದಾರರ ಗುರುತಿನ ಚೀಟಿ, ಪಾಸ್‌ಪೋರ್ಟ್, ಚಾಲನಾ ಪರವಾನಗಿಯಂತಹ ಯಾವುದೇ ಪರಿಶೀಲನಾ ದಾಖಲೆಗಳನ್ನ ಒದಗಿಸಿ. ಇದಾದ ನಂತರ, ಬ್ಯಾಂಕ್ ಸಿಬ್ಬಂದಿ eKYC ಪೂರ್ಣಗೊಳಿಸುತ್ತಾರೆ. ಅದಾದ ನಂತರ, ನಿಮ್ಮ ಖಾತೆ ಸಕ್ರಿಯವಾಗಿರುತ್ತದೆ. ನಂತ್ರ ಸಿಬ್ಬಂದಿ ನಿಮ್ಮ ಖಾತೆಯಲ್ಲಿರುವ ಹಣವನ್ನ ಬಡ್ಡಿಯೊಂದಿಗೆ ಹಿಂದಿರುಗಿಸುತ್ತಾರೆ.
ಇನ್ನು ಅನೇಕರು ಮೃತಪಟ್ಟ ತಮ್ಮ ಕುಟುಂಬಸ್ಥರ ಖಾತೆಯಲ್ಲಿ ಸಿಲುಕಿರುವ ಹಣ ಹಿಂಪಡೆಯಲು ಪರದಾಡುತ್ತಿರುತ್ತಾರೆ. ಆದ್ರೆ, ಸಾವನ್ನಪ್ಪಿದ ವ್ಯಕ್ತಿಯ ಖಾತೆದಾರನ ಹಕ್ಕನ್ನ ನಾಮಿನಿಗೆ ನೀಡಲಾಗುತ್ತದೆ. ಇದಷ್ಟೇ ಅಲ್ಲ ಸ್ಥಿರ ಠೇವಣಿಗಳಿಂದ ಹಣವನ್ನ ಸಹ ನಾಮಿನಿಗೆ ಸೇರುತ್ತದೆ.
ಅಂದ್ಹಾಗೆ, 10 ವರ್ಷಗಳ ಕಾಲ ಬಳಸಲಾದ ಉಳಿತಾಯ ಮತ್ತು ಚಾಲ್ತಿ ಖಾತೆಗಳು, ಮುಕ್ತಾಯ ಪೂರ್ಣಗೊಂಡಿರುವ ಕ್ಲೈಮ್ ಮಾಡದ ಸ್ಥಿರ ಠೇವಣಿಗಳು, ಬಾಕಿಗಳ ಹೊಂದಾಣಿಕೆಯ ನಂತರ ಉಳಿದಿರುವ ಸಾಲ ಅಥವಾ ನಗದು ಕ್ರೆಡಿಟ್ ಖಾತೆಗಳ ಬಾಕಿಗಳು, ಡ್ರಾಫ್ಟ್‌’ಗಳು, ಪೇ ಆರ್ಡರ್‌’ಗಳು, ಬ್ಯಾಂಕರ್‌’ಗಳ ಚೆಕ್‌ಗಳು, NEFT ವರ್ಗಾವಣೆಗಳಂತಹ ಕ್ಲೈಮ್ ಮಾಡದ ವಹಿವಾಟುಗಳು ಮತ್ತು ಪ್ರಿಪೇಯ್ಡ್ ಕಾರ್ಡ್‌ಗಳಲ್ಲಿ ಬಳಸದ ಬ್ಯಾಲೆನ್ಸ್‌’ಗಳನ್ನು ಕ್ಲೈಮ್ ಮಾಡದ ಖಾತೆಗಳನ್ನ ನಿಷ್ಕ್ರಿಯ ಎಂದು ಪರಿಗಣಿಸಲಾಗುತ್ತದೆ.